PVA

Hier volg die Plan Van Aksie... In tipiese 'Allo 'Allo styl: "I vill zay zhis only vounce..."

Ek en Hermine kom kuier in SA vanaf die Saterdag, die 24ste Februarie tot die 9de Maart. Dit gaan maar 'n hit-n-run kuier wees, want ons moet baie inpas in die kort tydjie by die huis. Sover lyk die planne so:

• Land Saterdag, 24 Feb en rus by Miena se ouers in Gauteng.
• Braai Sondag, 25ste (Cobus & Lara)
• Maandag tot Woensdag gaan ek en Hermine vakansie hou, die son geniet en almal ignoreer.
• Donderdag, die 1ste Maart vlieg ons af Kaap toe. Ons land rondom middagete en steel 'n kar by die lughawe. Dan jaag ons see toe om weer 'n slag die sand tussen die tone te voel, ens. Die aand kuier ons by my Pa.
• Vrydag oggend hang ons in Stellenbosch uit. Die middag kry ons vir Johan op die lughawe en die aand gaan ons heel moontlik 'n Koffie & Kuier aand iewers hou, heel moontlik by Mugg & Bean, Tygervallei.
• Saterdag oggend is dit tee saam met van Hermine se familie. Saterdag middag is daar blykbaar 'n trou of 'n ding aan. Ek dink dis in Grabouw, of Ceres, of iets...
• Sondag vat ons vir Johan lughawe toe en zip George toe.
• Maandag hou ons vakansie.
• Dinsdag, die 6de Maart, zip ons Kaap toe en vlieg weer Gauteng toe
• Dan hou ons vakansie tot ons weer huis toe gaan.

Soos enige goeie plan is die kanse goed dat ons alles hierbo gaan ignoreer, mis, of vergeet. Deal daarmee.

PS: Ek en Hermine het vanmiddag 'n baie lekker koffie gedrink op die 7de vloer van The Tate Modern. Die foto hierbo was ons uitsig. Die Tate is 'n baie lelike kragsentrale wat omskep is in 'n moderne kunsgallery. My raad is om nooit na die gebou of die kuns te kyk, want dit maak mens naar. Maar die koffie is regtig lekker, en die uitsig is die koffie werd.

---